қону арақашықтығы

(Посадочная дистанция)

авиациялық ұшу аппаратының қонуы кезінде қалықтау биіктігі, қону жолағына қауіпсіз жақындау шарттарын анықтайтын тұрақты бөгеттер биіктігіне тең жерден бастап, жерге қонғаннан кейін толық тоқтағанға дейінгі (немесе қону жолағынан шығудың басына дейінгі) жер бетімен салыстырмалы түрде жүріп өткен жолы. Қонудың әр түрлі тәсілдері үшін (мыс., арнайы тежегіш құрылғыларды қолданумен) Қ.а-ның мөлшерін тұрақты метеорологиялық жағдайларда және ұшу аппаратының берілген қону салмағына қарай анықтайды. Қ.а. желдің жылдамдығы мен бағыты, атмосфералық қысым, температура (ауа райы өзгеруімен және аэродромның орналасу биіктігімен анықталған), ұшу аппаратының қону салмағы сияқты қону шарттарына байланысты болады. Қ.а-н қысқарту мақсатында қону жылдамдығын азайтатын қанаттың арнайы механизациясы (негізінен, ұшақтарда), қозғалтқыштың тартылыс реверсі, тежегіш парашюттер және басқалар қолданылады.